ຄົ້ນຄວ້ານະໂຍບາຍ, ສ້າງດຳລັດ, ຄຳສັ່ງ, ແຈ້ງການ, ຂໍ້ກຳນົດກົດລະບຽບ ແລະ ບົດແນະນຳຕ່າງໆກ່ຽວກັບການສ້າງແຜນພັດທະນາເສດຖະກິດ-ສັງຄົມແຫ່ງຊາດ, ການຄຸ້ມຄອງເສດຖະກິດມະຫາພາກ, ການຄຸ້ມຄອງໂຄງການລົງທຶນຂອງລັດ, ການພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ ວຽກງານປະຊາກອນຕາມ​ທິດ​ການ​ພັດທະນາ​ແບບ​ຍືນ​ຍົງ​ ແລະການ​ເຕີບ​​ໂຕ​ສີຂຽວ ເພື່ອນຳສະເໜີລັດ ຖະບານພິຈາລະນາປະກາດໃຊ້;

ປະສານສົມທົບກັບຂະແໜງການຂັ້ນສູນກາງ ແລະ ທ້ອງຖິ່ນ ເພື່ອຄົ້ນຄວ້າສັງລວມ, ວິເຄາະ-ວິໄຈ, ສ້າງ, ຕິດຕາມ, ຊຸກຍູ້, ຄຸ້ມຄອງ ແລະ ສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ,  ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ, ນະໂຍບາຍແຫ່ງຊາດດ້ານປະຊາກອນ ແລະ ການພັດທະນາ, ເປົ້າໝາຍການພັດທະນາແບບຍືນຍົງ, ການເຕີບໂຕສີຂຽວ ແລະ ແຜນການລົງທຶນ ຂອງລັດ ໄລຍະກາງ (5 ປີ) ແລະ ໄລຍະສັ້ນ (ປະຈໍາປີ) ເພື່ອລາຍງານ ແລະ ສະເໜີລັດຖະບານ ພິຈາລະນາ;

ປະສານສົມທົບກັບພາກສ່ວນທີ່ກ່ຽວຂ້ອງໃນການຄົ້ນຄວ້າ ແລະ ນໍາໃຊ້ຜົນການຄົ້ນຄວ້າຈາກສະຖາບັນຄົ້ນຄວ້າຕ່າງໆ ເພື່ອເປັນຂໍ້ມູນໃນການຄຸ້ມຄອງເສດຖະກິດມະຫາພາກ, ຮັກສາສະຖຽນລະພາບທາງດ້ານເສດຖະກິດ-ການເງິນ-ເງິນຕາຂອງປະເທດໃຫ້ໝັ້ນຄົງ;

ເຂົ້າຮ່ວມກັບພາກສ່ວນກ່ຽວຂ້ອງ ​ເຜີຍ​ແຜ່​ກ່ຽວ​ກັບທິດ​ທາງ, ​ນະ​ໂຍບາຍ ແລະ ​ແຜນ​ພັດທະນາ​ເສດ ຖະກິດ-ສັງຄົມ​ແຫ່ງ​ຊາດ​ ເພື່ອ​ລະດົມ ແລະ ຍາດແຍ່ງການຊ່ວຍເຫຼືອທາງການເພື່ອການພັດທະນາໃນການມາດຸ່ນດ່ຽງແຜນການລົງທຶນຂອງລັດໃນແຕ່ລະໄລຍະ;

ສ້າງວິທີວິທະຍາ, ເອກະສານແນະນໍາ ແລະ ປື້ມຄູ່ມືກ່ຽວກັບວຽກງານການວາງແຜນພັດທະນາເສດຖະ ກິດ-ສັງຄົມ ແລະ ການລົງທຶນຂອງລັດ, ພ້ອມທັງຈັດຝຶກອົບຮົມ, ເຜີຍແຜ່ໃຫ້ບັນດາຂະແໜງການ ແລະທ້ອງຖິ່ນ ໃນຂອບເຂດທົ່ວປະເທດ;

ສົມທົບກັບພາກສ່ວນທີ່ກ່ຽວຂ້ອງລົງເລິກວິໄຈຈຸດປະສົງ, ເປົ້າໝາຍ, ໂຄງປະກອບ, ຄວາມອາດສາມາດ ແລະ ປະສິດທິຜົນຂອງການລົງທຶນຂອງໂຄງການລົງທຶນຂອງລັດ;

ເປັນເຈົ້າການຄົ້ນຄວ້າ, ດັດສົມ ແລະ ຈັດສັນງົບປະມານການລົງທຶນຂອງລັດ (ງົບປະມານພາຍໃນ) ໃຫ້ແກ່ບັນດາຂະແໜງການຂັ້ນສູນກາງ ແລະ ທ້ອງຖິ່ນ ໃຫ້ສອດຄ່ອງກັບແຜນພັດທະນາເສດຖະກິດ-ສັງ ຄົມແຫ່ງຊາດ ເພື່ອສະເໜີລັດຖະບານພິຈາລະນາ ໃນແຕ່ລະໄລຍະ;

ເປັນເຈົ້າການຄົ້ນຄວ້າສັງລວມບັນດາໂຄງການລົງທຶນຂອງລັດ (ງົບປະມານພາຍໃນ ແລະ ການຊ່ວຍເຫຼືອທາງການເພື່ອການພັດທະນາ) ທີ່ບັນດາຂະແໜງການຂັ້ນສູນກາງ ແລະທ້ອງຖິ່ນ ສະເໜີມາເພື່ອພິຈາລະ ນາເອົາເຂົ້າແຜນການລົງທຶນຂອງລັດປະຈໍາປີ ຫຼື ແຕ່ລະໄລຍະຕາມຂັ້ນຕອນທີ່ໄດ້ກໍານົດໄວ້​ໃນກົດໝາຍ ວ່າດ້ວຍການລົງທຶນຂອງລັດ;  

ເຂົ້າຮ່ວມເປັນຄະນະຮັບຜິດຊອບໂຄງການລົງທຶນຂອງລັດ ເພື່ອດໍາເນີນການຄຸ້ມຄອງໂຄງການໃຫ້ສອດ ຄ່ອງກັບຈຸດປະສົງ, ເປົ້າໝາຍ, ແຜນດໍາເນີນງານໂຄງການ ເພື່ອໃຫ້ທັນຕາມກໍານົດເວລາ ແລະມີປະສິດ ທິຜົນສູງ;

ເຂົ້າຮ່ວມເປັນຄະນະກຳມະການປະມູນ ແລະ ເຊັນສັນຍາໂຄງການລົງທຶນຂອງລັດ;

ກວດຜ່ານຮ່າງສັນຍາຈັດຊື້-ຈັດຈ້າງໂຄງການລົງທຶນຂອງລັດ ໃຫ້ສອດຄ່ອງຕາມກົດໝາຍ ແລະ ລະບຽບການແລ້ວ ຈຶ່ງອະນຸມັດໃຫ້ເຈົ້າຂອງໂຄງການເຊັນສັນຍາກັບຜູ້ຮັບເໝົາຈັດຊື້-ຈັດຈ້າງ;

ເຂົ້າຮ່ວມເປັນຄະນະກຳມະການຕິດຕາມຄວາມຄືບໜ້າການຈັດຕັ້ງປະຕິບັດ ໂຄງການລົງທຶນຂອງລັດທຸກໆຄັ້ງ ລວມທັງກວດກາຜົນສຳເລັດຄັ້ງສຸດທ້າຍ (ກວດ 100%) ຂອງບັນດາຂະແໜງການຂັ້ນສູນກາງ ແລະ ທ້ອງຖິ່ນ;

ກວດຜ່ານຢັ້ງຢືນເອກະສານສະເໜີຂໍຊຳລະໂຄງການລົງທຶນຂອງລັດຂອງບັນດາຂະແໜງການຂັ້ນສູນກາງແລະ ທ້ອງຖິ່ນ;

 ຄົ້ນຄວ້າການສະເໜີດັດແກ້ມູນຄ່າໂຄງການ, ອວ່າຍທຶນ, ຍົກເລີກ ແລະ ໂຈະໂຄງການລົງທຶນຂອງລັດຕາມການສະເໜີຂອງຂະແໜງການຂັ້ນສູນກາງ ແລະ ທ້ອງຖິ່ນ ໃນໄລຍະ 6 ເດືອນທ້າຍປີໃຫ້ສອດ ຄ່ອງຕາມກົດໝາຍວ່າດ້ວຍການລົງທຶນຂອງລັດ ເພື່ອສະເໜີຂັ້ນເທິງພິຈາລະນາອະນຸມັດ;

ເກັບກໍາ, ສັງລວມ ແລະ ສ້າງຖານຂໍ້ມູນຂ່າວສານ ລວມທັງຂໍ້ມູນສະຖິຕິກ່ຽວກັບວຽກງານແຜນການ ແລະ ແຜນການລົງທຶນຂອງລັດ ພ້ອມທັງເຜີຍແຜ່ຂໍ້ມູນຂ່າວສານດັ່ງກ່າວ;

ເຂົ້າຮ່ວມກອງປະຊຸມ ແລະ ເຂົ້າຮ່ວມເປັນຄະນະຕ່າງໆຕາມການເຊື້ອເຊີນ ທີ່ພົວພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນການລົງທຶນຂອງລັດ, ວຽກງານກວດສອບ ແລະ ວຽກງານກວດກາ ປະຈໍາປີ;

ເຮັດໜ້າທີ່ປົກປ້ອງພັກ ແລະ ພະນັກງານພາຍໃນກົມ ບໍ່ໃຫ້ເຄື່ອນໄຫວຜິດກົດລະບຽບຂອງພັກ, ກົດໝາຍຂອງລັດ, ກົດລະບຽບຂອງກົມກອງ ແລະ ກະຊວງແຜນການ ແລະ ການລົງທຶນ ວາງອອກ;

ຈັດຕັ້ງນຳພາ ແລະ ຄຸ້ມຄອງກໍ່ສ້າງພະນັກງານພາຍໃນກົມຂອງຕົນ ໃຫ້ໜັກແໜ້ນທາງດ້ານແນວຄິດການເມືອງເຂັ້ມແຂງທາງດ້ານການຈັດຕັ້ງ, ຊໍານານງານທາງດ້ານວິຊາສະເພາະ ແລະ ມີປະສົບການໃນການປະຕິບັດວຽກງານຕົວຈິງໃຫ້ກາຍເປັນຊ່ຽວຊານດ້ານການວາງແຜນ ແລະ ການຄຸ້ມຄອງການລົງທຶນຂອງລັດ;

ຄຸ້ມຄອງ, ນຳໃຊ້ພາຫະນະ ແລະ ວັດຖຸອຸປະກອນ ແລະ ຂຶ້ນແຜນງົບປະມານ ເພື່ອຮັບໃຊ້ວຽກບໍລິ ຫານ ແລະ ການເຄື່ອນໄຫວວຽກວິຊາສະເພາະພາຍໃນກົມແຜນການ;

ຄຸ້ມຄອງ, ນຳໃຊ້ ແລະ ລາຍງານທຶນຊ່ວຍເຫຼືອທາງການເພື່ອການພັດທະນາໃນການປະຕິບັດໂຄງການຕ່າງໆທີ່ຂຶ້ນກັບຄວາມຮັບຜິດຊອບຂອງຕົນໃຫ້ສອດຄ່ອງກັບເປົ້າໝາຍ ແລະ ຖືກຕ້ອງກັບລະບຽບການ ຂອງກະຊວງ ການເງິນ ວາງອອກ;

ປະຕິບັດທຸກໜ້າທີ່ວຽກງານທີ່ຂັ້ນເທິງມອບໝາຍໃຫ້.